نبدأ بالعربيات السيدان
١- أوبل أنسجنيا جراند سبورت ٢٠٢٠
ده الجيل التاني من أنسجنيا اللي بتقدمه أوبل وحقق نجاح مبهر جدا و انتشار واسع في مصر كمان
العرببة بتتقدم في مصر بـ 3 فئات و اللي هنتكلم عنهم
- هاي لاين بـ 500.000
- توب لاين بـ 559.000
أوبل أنسجنيا بتيجي بموتور 1.5 لتر تيربو متوصل بفتيس اوتوماتيك من 6 سرعات بيدونا 165 حصان و متوسط استهلاك البنزين 5.9 لتر لكل 100 كيلو
٢- أودي ٢٠٢٠A3
أودي A3 العربية الألمانية الغنية عن التعريف عربية قوية جدا و شبابي وفيها روح رياضية بتيجي مصر بفئتين الفئة اللي هنتكلم عنها
- برستيچ بـ 555.000
أودي A3 بتيجي مصر بموتور 1.0 لتر تيربو و فتيس اوتوماتيك من 6 سرعات ومتوسط أستهلاك البنزين 4 لتر لكل 100 كيلو
٣-سكودا سوبيرب ٢٠٢١
سكودا سوبيرب عربية معروفة في السوق المصري و ليها سمعه مش بطالة، كمان السنة دي اتضافت فئة جديدة ليها وهي سبورت لاين بيرفورمنس غير الخمس الفئات الباقيين و أسعار الفئات اللي هنتكلم عنها
- امبايشن بـ 555.000
- سبورت لاين بـ 630.000
طبعا سكودا سوبيرب بتنزل بموتور 1.4 لتر تيربو متوصل بفتيس DSG من 7 سرعات بيدونا 150 حصان ومتوسط استهلاك البزين 5.7 لتر لكل 100 كيلو
٤- بيچو 508 ٢٠٢٠
الأسد الفرنسي عربية تميزت جدا و انتشرت بسببب تصميمها الممتاز و حسن سمعتها في مصر و بتنزل مصر ب3 فئات لكن اللي تهمنا في التقرير ده هي
- جي تي لاين بـ 569.990
بيچو 508 بتيجي بموتور 1.6 لتر تيربو بفتيس DSG من 6 سرعات بينتجوا 165 حصان و متوسط استهلاكها للبنزين 5.8 لتر لكل 100 كيلو
٥- فولكس فاجن باسات ٢٠٢٠
العربية المحبوبة فوليكس باسات الجيل الجديد منها كل مرة بيتطور عن اللي قبله، باسات نازلة بفئتين و هنتلكم عن فئة
- كومفورت لاين بـ 585.000
باسات بتيجي بموتور 1.4 لتر تيربو بفتيس DSG من 7 سرعات تدينا 150 حصان و متوسط استهلاك الوقود 5.1 لتر لكل 100 كيلو
٦- ألفا روميو جوليا ٢٠٢٠
الأنيقة ألفا روميو جوليا بدأت تنتشر في مصر و الناس تعرفها مش من فترة بعيدة لكنها اثبتت انها عربية ليها وجود قوي، ليها 5 فئات هنتكلم منهم عن
- بيز بـ 635.000
- سوبر بـ 695.000
ألفا روميو جوليا بتيجي بموتور 2.0 لتر تيربو متوصل بفتيس أوتوماتيك من 8 سرعات بتنتج 200 حصان و متوسط استهلاكها للبنزين 6 لتر لكل 100 كيلو
٧- بي أم دبليو I218 ٢٠٢١
عربية جديدة ومميزة في عيلة BMW و بدأت تنتشر و بتنزل مصر بفئة وهي
- جران كوبية بـ 648.000
بي أم دبليو i 218 بتنزل بموتور 1.5 لتر تيربو وفتيس اوتوماتيك من 7 سرعات بتنتج 140 حصان ومتوسط أستهلاك بنزين 5.4 لتر لكل 100 كيلو
نيجي بقا للـ SUV
٨- سيات تاراكو ٢٠٢١
سيات تاراكو تعتبر أجدد ضيف في عيلة سيات مصر و هيكون ليها سوق في مصر العربية بتتوفر بأربع فئات
- ستايل بـ 535.000
- ستايل بلس بـ 585.000
- اكسلانس بـ 635.000
- أف أر بـ 685.000
سيات تاراكو بتيجي بموتور 1.4 لتر تيربو وفتيس DSG من 6 سرعات بيطلعوا 150 حصان و متوسط استهلاك البنزين 7.3 لتر لكل 100 كيلو
٢٠٢٠ DS 7 -٩
تعتبر DS7 هي الوجة الأخر لستروين العربية جاية بتجيزهات مبهرة جدا و بمظهر انيق و ملفت، دي اس 7 بتنزل بخمس فئات اللي في فئتنا هما
- بي شيك بـ 598.000
- بيرفورمانس لاين بـ 658.000
- بيرفورنانس بلس بـ 698.000
دي اس 7 بتيجي بموتور 1.6 تيربو بفتيس أوتوماتيك من 6 سرعات بينتجوا 165 حصان و متوسط استهلاكها للبنزين 6 لتر لكل 100 كيلو
١٠- أودي Q3 ٢٠٢٠
أودي كيو 3 عربية مبتهزرش و معروفة ومحبوبة في السوق المصري بتيجي ب3 فئات هنتكلم عن فئة
- ادفانسيد بـ690.000
العربية بتيجي بموتور 1.4 لتر تيربو مع فتيس أوتوماتيك 7 سرعات بيطلعوا 150 حصان ومتوسط استهلاك البنزين 5.9 لتر لكل 100 كيلو
بكده نكون اتكلمنا عن أفضل 10 عربيات سيدان و SUV مابين 500.000 لـ 700.000 ألف و أنتظروا الجديد دائما
Facebook: https://www.facebook.com/momenelwazer1/
Instagram:
https://instagram.com/momen_elwazer?igshid=17yjxkjphg9fy
YouTube:
https://www.youtube.com/channel/UC7C-B--E6yDDj3fkN3ZwRhA